keppni í ballet

Var í gærkvöldi á virkilega skemmtilegri sýningu, sem var keppni í ballet dansi. Þar var auðvitað fremst meðal jafningja hún dótturdóttir mín Hrund. Því miður komst hún ekki í vinningsliðið, en okkur afa þótti hún skila frábærum dansi, svo ótrúlega mjúk og létt, það var eins og hún svifi um sviðið. Ég gat ekki merkt neina taugaveiklun hjá henni, brosandi og örugg að sjá.